Hier volg so 'n vinnige verslaggie van die Cradock manne se hengeluitstappie na Hentiesbaai.
Ons sou Saterdag die 13de Oktober ry, maar toe ons Vrydagaand klaar gepak is by Flipper se huis, toe val ons sommer in die pad: eerste bestemming - Keetmanshoop waar ons Saterdagaand sal oorslaap.
Vroegoggend - net deur die grenspos (en geen ys nog beskikbaar nie), het die manne die kospakkies en koffie aangedurf
'n bietjie later, nadat ys beskikbaar was, word nuweling MR MILLER deur STRAFSERSANT GERTJIE "gedoop" op die middellyn naby Grunau (en dit was nie met koffie nie)
Langs die pad was ook bietjie teëspoed met die waentjie se band wat afgeskryf is. Bigboy beweer Flipper het sy waentjie beskikbaar gestel sodat hy nuwe bande kan opsit langs die pad. Dus het Bigboy 'n formele oorhandiging van 'n nuwe band aan Flipper in Keetmans gedoen ......
By Keetmans aangekom, was die spuitfontein by die Central 'n wenner (alhoewel daar 'n swembad ook is). Vele aktiwiteite deur die dag het gevolg sodanig dat die kelner aan die einde van die aand sy bedanking teenoor ons uitgespreek het vir "'n baie spesiale dag". Ek kan ongelukkig nie verder uitwei nie...
So arriveer ons darem veilig Sondagmiddag in Henties en Leon Krauze is gaaf genoeg om sy hengelwinkel vir ons oop te sluit om aas te koop en ons visvangpermitte te kry wat Simen goedgunstiglik uitgeneem het vir ons. Baie dankie julle twee - ons waardeer dit. Hierna sit ons af na St Nowhere waar ons die volgende week sou deurbring.
Maandag, Dinsdag en Woensdag is spandeer om gate te soek bo van die draad af tot 'n entjie Suid van St Nowhere, maar die weer wou nie saamspeel nie. 'n Volle totaal van 3 maat visse kon weggesit word in die tydjie wat maar net weer bewys dat as jy Henties toe wil gaan, moet jy genoeg tyd toelaat. Die wind het ons letterlik weggewaai en die see was redelik rof.
Puter pryk hier met een v/d vangste
Donderdag die 18de breek gelukkig aan. Die weer is nog nie lekker nie, maar ons geluk draai. Ons ry Blare toe en Vennie wys 'n gat aan tussen twee ander geselskappe weerskante van ons. Die gat sou vir ons oorblywende tyd in Henties 95% van die vis oplewer. Bygesê, ons het met laagwater daar begin vang en dit sou ook later duidelik word dat daar meer aktiwiteit met laagwater sou wees en wanneer die see nie so rof was nie.
Hier is Vennie met die eerste decent kabeljoutjie uit die gat
Bigboy ook met ene
Die manne sit en cheers op sukses! Waar anders as in Henties kan dit so lekker lyk?
So moet die stokke mos staan!!!
Vir die eerste keer vang ons genoeg vis om die visskoonmaakgeriewe op St Nowhere te gebruik. Vrydag die 19de (ons laaste dag voor ons ST Nowhere verruil vir Henties) is die wind maar nog sleg, maar ons vang darem weer vis by Vennie se gat. Alles kom uit by dieselfde gat - Kabeljou, baie Steenbra (ondermaat) en Galjoen (meeste ook maar ondermaat). Die Steenbra byt dieper, die Kabeljou vlak en die Galjoen enige plek.
Hier is Flipper met een van die ondermaat Steenbra (wat natuurlik weer veilig teruggesit was).
Mr Miller met een wat homself vasgemaak het terwyl ons geëet het!!
So het die manne gevang tot laaste lig ...
STRAFSERSANT GERTJIE se aksie
So het die tydjie by St Nowhere tot 'n einde gekom en ons is Saterdagoggend weg na Henties toe waar ons die laaste week sou spandeer.
Die manne het darem net eers hulle hande in die Spa bad by St Nowhere gesit aangesien dit heeltyd te koud was vir die lywe!
Op pad terug Henties toe, het ons by die Woestyn kroegie & restaurant aangegaan vir 'n brunch. Van links na regs is die hele span: Gertjie, Flipper, Puter, Bigboy, Mr Miller en Vennie.
Sondag die 21ste is rondom Henties spandeer, maar met geen geluk. Daar is besluit om 'n ghielie te gebruik vir Maandag en dit was 'n eye-opener om te sien dat ons ook geen vis vang saam met die ghielie nie, want die see is te rof!!
Dinsdag het ons die lang pad aangepak terug Blare toe na Vennie se gat en onmiddelik was die droogte gebreek.
Puter met 'n mooi speciman
Flipper met 'n double hook-up van Barbers. Hy was die Barber koning van die dag:
Mr Miller met ene wat net voor laaste lig gevang is
Woensdag die 24ste was ons laaste dag by Blare. Die see is mooi en ons vang genoeg Kabeljou om ons kwota vol te maak. Tussendeur was daar darem tyd om lekkernye op Puter se Braai te sit
En toe gebeur dit - Nadat Flipper die vorige dag die Barbers 'n gevoelige slag toegedien het, draai sy geluk ook. Hy sit nog so in hurkende posisie en beskou die woestynblommetjies, toe gaan sy stok af! Hy sien dit van waar hy gesit het, maar 'n voorry het mos maar net nie die wegtrek en spoed van 'n vleuel nie. Nodeloos om te sê - Bigboy moes die vis besig hou totdat Flipper al hortende opdaag by die stok. Hier is die gesamentlike vis:
Flipper met sy vangs
So loop ons tyd by Blare uit.
Mr Miller met 'n 74cm specimen
Omdat ons Kabeljou kwota vol was, besluit ons om die laaste Hengeldag rondom Henties deur te bring op soek na Galjoen. Alhoewel ons nie baie suksesvol was nie, het ons by Myl 30 op 'n gat afgekom waar die klein Kabeljoutjies ons besig gehou het. Elke gooi het 'n klein Kabeljoutjie opgelewer.
Bigboy het hierdie snaakse vis gevang en ons sou eers later uitvind dis 'n St Joseph haai
Vennie haak vir oulaas 'n rots
So kom alles tot 'n einde
Vrydag was ons laaste dag in Henties en ons was "at leisure". Ons trippie is, baie gepas, op die golwe afgesluit in die Restaurant op die water in Swakopmund.
Tot wedersiens
Ons sou Saterdag die 13de Oktober ry, maar toe ons Vrydagaand klaar gepak is by Flipper se huis, toe val ons sommer in die pad: eerste bestemming - Keetmanshoop waar ons Saterdagaand sal oorslaap.
Vroegoggend - net deur die grenspos (en geen ys nog beskikbaar nie), het die manne die kospakkies en koffie aangedurf
'n bietjie later, nadat ys beskikbaar was, word nuweling MR MILLER deur STRAFSERSANT GERTJIE "gedoop" op die middellyn naby Grunau (en dit was nie met koffie nie)
Langs die pad was ook bietjie teëspoed met die waentjie se band wat afgeskryf is. Bigboy beweer Flipper het sy waentjie beskikbaar gestel sodat hy nuwe bande kan opsit langs die pad. Dus het Bigboy 'n formele oorhandiging van 'n nuwe band aan Flipper in Keetmans gedoen ......
By Keetmans aangekom, was die spuitfontein by die Central 'n wenner (alhoewel daar 'n swembad ook is). Vele aktiwiteite deur die dag het gevolg sodanig dat die kelner aan die einde van die aand sy bedanking teenoor ons uitgespreek het vir "'n baie spesiale dag". Ek kan ongelukkig nie verder uitwei nie...
So arriveer ons darem veilig Sondagmiddag in Henties en Leon Krauze is gaaf genoeg om sy hengelwinkel vir ons oop te sluit om aas te koop en ons visvangpermitte te kry wat Simen goedgunstiglik uitgeneem het vir ons. Baie dankie julle twee - ons waardeer dit. Hierna sit ons af na St Nowhere waar ons die volgende week sou deurbring.
Maandag, Dinsdag en Woensdag is spandeer om gate te soek bo van die draad af tot 'n entjie Suid van St Nowhere, maar die weer wou nie saamspeel nie. 'n Volle totaal van 3 maat visse kon weggesit word in die tydjie wat maar net weer bewys dat as jy Henties toe wil gaan, moet jy genoeg tyd toelaat. Die wind het ons letterlik weggewaai en die see was redelik rof.
Puter pryk hier met een v/d vangste
Donderdag die 18de breek gelukkig aan. Die weer is nog nie lekker nie, maar ons geluk draai. Ons ry Blare toe en Vennie wys 'n gat aan tussen twee ander geselskappe weerskante van ons. Die gat sou vir ons oorblywende tyd in Henties 95% van die vis oplewer. Bygesê, ons het met laagwater daar begin vang en dit sou ook later duidelik word dat daar meer aktiwiteit met laagwater sou wees en wanneer die see nie so rof was nie.
Hier is Vennie met die eerste decent kabeljoutjie uit die gat
Bigboy ook met ene
Die manne sit en cheers op sukses! Waar anders as in Henties kan dit so lekker lyk?
So moet die stokke mos staan!!!
Vir die eerste keer vang ons genoeg vis om die visskoonmaakgeriewe op St Nowhere te gebruik. Vrydag die 19de (ons laaste dag voor ons ST Nowhere verruil vir Henties) is die wind maar nog sleg, maar ons vang darem weer vis by Vennie se gat. Alles kom uit by dieselfde gat - Kabeljou, baie Steenbra (ondermaat) en Galjoen (meeste ook maar ondermaat). Die Steenbra byt dieper, die Kabeljou vlak en die Galjoen enige plek.
Hier is Flipper met een van die ondermaat Steenbra (wat natuurlik weer veilig teruggesit was).
Mr Miller met een wat homself vasgemaak het terwyl ons geëet het!!
So het die manne gevang tot laaste lig ...
STRAFSERSANT GERTJIE se aksie
So het die tydjie by St Nowhere tot 'n einde gekom en ons is Saterdagoggend weg na Henties toe waar ons die laaste week sou spandeer.
Die manne het darem net eers hulle hande in die Spa bad by St Nowhere gesit aangesien dit heeltyd te koud was vir die lywe!
Op pad terug Henties toe, het ons by die Woestyn kroegie & restaurant aangegaan vir 'n brunch. Van links na regs is die hele span: Gertjie, Flipper, Puter, Bigboy, Mr Miller en Vennie.
Sondag die 21ste is rondom Henties spandeer, maar met geen geluk. Daar is besluit om 'n ghielie te gebruik vir Maandag en dit was 'n eye-opener om te sien dat ons ook geen vis vang saam met die ghielie nie, want die see is te rof!!
Dinsdag het ons die lang pad aangepak terug Blare toe na Vennie se gat en onmiddelik was die droogte gebreek.
Puter met 'n mooi speciman
Flipper met 'n double hook-up van Barbers. Hy was die Barber koning van die dag:
Mr Miller met ene wat net voor laaste lig gevang is
Woensdag die 24ste was ons laaste dag by Blare. Die see is mooi en ons vang genoeg Kabeljou om ons kwota vol te maak. Tussendeur was daar darem tyd om lekkernye op Puter se Braai te sit
En toe gebeur dit - Nadat Flipper die vorige dag die Barbers 'n gevoelige slag toegedien het, draai sy geluk ook. Hy sit nog so in hurkende posisie en beskou die woestynblommetjies, toe gaan sy stok af! Hy sien dit van waar hy gesit het, maar 'n voorry het mos maar net nie die wegtrek en spoed van 'n vleuel nie. Nodeloos om te sê - Bigboy moes die vis besig hou totdat Flipper al hortende opdaag by die stok. Hier is die gesamentlike vis:
Flipper met sy vangs
So loop ons tyd by Blare uit.
Mr Miller met 'n 74cm specimen
Omdat ons Kabeljou kwota vol was, besluit ons om die laaste Hengeldag rondom Henties deur te bring op soek na Galjoen. Alhoewel ons nie baie suksesvol was nie, het ons by Myl 30 op 'n gat afgekom waar die klein Kabeljoutjies ons besig gehou het. Elke gooi het 'n klein Kabeljoutjie opgelewer.
Bigboy het hierdie snaakse vis gevang en ons sou eers later uitvind dis 'n St Joseph haai
Vennie haak vir oulaas 'n rots
So kom alles tot 'n einde
Vrydag was ons laaste dag in Henties en ons was "at leisure". Ons trippie is, baie gepas, op die golwe afgesluit in die Restaurant op die water in Swakopmund.
Tot wedersiens
::H