Paarl dam

[JustPlainSHARK]

Oorspronklik sou die kompetisie vir die been van die polisie individuele liga by J-dam plaasvind, maar ons het darem voortydig nuus gekry dat als nie wel is by die venue nie en is dit verskuif na Paarldam. Ook maar goed, want net die volgende week toe vrek so te se al die vis in J-dam. Wel van Paarldam het ek al so paar keer gehoor en het uitgesien om die venue op my kerfstok te kry.

Ek en David de Villiers @ Divvie is penmaats en ek het juis vir hom daai oggend gese dat ons nog nooit n punt pen getrek het nie. Die punt pen was belangrik by die venue, want almal het gese die twee sloepe is die hot spots en dat die middel van die oewer wat 'n boog vorm die ietwat moeiliker water is.

Die sonsopkoms. Reg by die boog wat die moeiliker water sou wees:        

 

[JustPlainSHARK]

Penne trek kom, en na 'n oor en weer nominering tussen my en Divvie om die nommer te trek val die verantwoordelikheid toe op my..........

Ek trek 'n nommer uit die sakkie en .................... dis 1.

Uiteindelik!! Ons sak toe af sloep toe heel links en sien vis sommer so op 20-30m speel. Ek besluit om die plan van 60m en 80m te verander en gooi die een stok in op plus minus 20-30m en die ander stok op 60m. Ek het vooraf met WaldoK gereel om vir my bietjie tips te kry vir die venue, want die info van die ander ouens was baie gebrekkig en ek vermoed dalk net om die kaarte nader aan hul bors te hou. Wat ek wel gehoor het en op besluit het was Banjo (Champion dips) en 'n druppel UK (Trucella) op die naby stok, met 'n Vampire floatie  en degie op die onder hoek en 'n degie op die boonste hoek. Op die ander stok kan ek nie nou die kombinasie onthou nie, maar dit was irrelevant.

Binne 5 minute trek my vlak stok weg en ek is in om die vis te skep. Terwyl ek in die water is, toe loop die 60m stok. En so gaan dit toe aan vir die eerste uur en ekt al 8 vis in die net. Ek bring toe die 60m stok ook nader (nie ingehak nie) met presies dieselfde aas kombinasie nou op altwee stokke. En so wild soos daai eerste uur, so wild gaan dit die res van die dag. Ek het later net Banjo op die bol gesit en later sommer net skoon bolle gegooi. Om twee hoekies te laai was oorbodig en toe 'n vis die een hoek stroppie breek, besluit ek om daai strop net so te gebruik en sny die boonste hoeklyn af op die ander stroppe. Dus hengel ek toe met een hoek, met net 'n Vampire float op die hoek, sonder boldip en soms sommer sonder 'n polisieman op die lyn. Die Hi-vis maak dit darem maklik om die lyn te sien.

Met die tempo so hoog, hengel ek toe letterlik van agter my kas.........gooi, kap en speel die vis en wag dat die 2de een ook loop. Kap die 2de een en gaan dan in om die vis wat ek reeds aan het te gaan skep.

Ek het die dag geeindig op 75 vis vir 'n gewig van 54,96kg. Tweede was Oppies met ek dink 66 vis en derde Blackie met iets soos 58 vis.

Hectic dag gewees maar bitter lekker. Het toe al my Plays en kos na 16:00 verorber. Dank moet gaan aan WaldoK (my broer en aspirant Protea hengelaar ) wat tips vir my gekry het by Oom Dyna @Dynamicthings en Skuimkop. Dan aan Johan Lourens vir die verblyf en die samesyn by sy woning in die Kaap. En aan Divvie dat hy die "vertroue" in my gehad het om die pen te trek.

Voel of ek vergeet het om iets te se.......

 

[LeonK]

nice report en baie geluk met die wen

dis nie elke dag wat mens n dam in so bui kry nie en dis nog harder werk om die tempo te handaaf. maar dis lekkerrrrrr!

as jy weer in my wyk kom en ons gaan::slo nie, is daar :cens

 

[JustPlainSHARK]

Nei daai is a gegewe!

Ons hengel 24 Mei weer in die Kaap daar by Brandvlei ::cavmn. Die rede hoekom ek nie baie pleased is met dit nie is dat daai plek vreeslik spotty is. Ons is maar so 30 hengelaars op 'n slag en ALMAL sit in een sone. So dit gaaan nie regverdig wees nie.

Maar ons sal maar probeer ne.

 

[dynamicthings]

justplain shark it was a pleasure boet and well done and good luck and tight lines for brandvlei