Kurpers

[Skuimkop]

Dagsê manne.

Ek weet nie by watse ander katogorie ek dit moet plaas nie maar anyway ek dink dis darem oraait hier.

Ek wil graag Kurpers target die res van die jaar met ligte gerei en het so paar vrae vir julle ouens wat uitmaak. Ek wil nie noodwendig die groottes target nie.

- Wanneer is dit weer 'n goeie tyd om hulle te begin target na die winter?
- Wanneer begin Kurpers spawn? Selfde tyd as die Karps?
- Dit is mos die beste om hulle met spinners te target tydens die tyd maar watse spinners?
- Watse rig sal die beste werk?
- Watse aas moet ek gebruik? Bruinbrood en erdwurms met maroek as lok voer. Enige geure?

Enige ander advies sal baie waardeer word.

 

[Bottie]

Skuimkop, ja dis n taai een. Ek is nie n "expert" of n kenner nie, maar wat ek nou gaan tik is maar wat ek ondervind het in Albert Falls hier by ons.

Ek vind hulle byt vanaf Oktober,wanneer dit lekker warm begin raak,in 1 tot 2m water,warm dae vlakker(kniediep).Spawn moet seker ook dan wees, want vanaf einde Nov. sien n mens miljoene kleintjies. Hulle byt op kunsvissies, maar die beste spinner is die gewone swaailem. Veral as daar riete naby is.As n skool kurpers op die riete toesak om die alge te vreet, kan jy die riete sien beweeg.

As ek spesefiek kurpers teiken, gebruik ek n vaste vaaldam strop.n Kort een(25cm)

Dit gebeur egter gereeld dat hulle op n gewone rietvlei gevang word,met floaties, terwyl ons vir karp hengel, veral in die vlakker water. Gewone bom op die strop vir voer, onthou, hulle loop nie alleen nie,gooi 10 bolle,at least. Normaalweg hou hulle baie van wurms.