Om 'n mould te maak is nie vuurpyl wetenskap nie. Wat wel belangrik is is dat die vorm(s) se materiaal en die parte se materiaal geskik moet wees om saam gebruik te kan word.
Verder moet jy kyk na die eienskappe van die parte se materiaal, as die bv maklik breek gaan die kunsaas nie hou nie. Party materiale se soortlike gewig is meer as ander so sal dus vinniger sink, maar kan ook beheer word deur die kunsaas hol te maak, en 'n balletjie in die holte kan geraas maak tydens die sleep aksie wat die vis se aandag trek.
Om 'n mould te maak moet jy vooraf 'n model maak sodat jy die regte vorm het. Die vorm kan jy bv in jou swembad toets en as jy tevrede is dit gwerk soos verwag dan kan jy hom naboots in 'n mould proses.
Die eenvoudigste manier om 'n basiese mould te maak van se maar si is om 'n boksie te maak van enige iets, se maar PVC (wat ons gebruik want hier le altyd rond) en die boksie moet se maar 15 to 20mm groter as jou kunsaas wees.
Jy maak eers die een helfte. Die vorm moet jy op 'n hoogte laat sit in die lug in die boksie sodat die bv si wat jy giet onder die vorm dikte sal he, asook reg rondom. Die model moet voorberei word sodat die mould nateriaal nie daaraan sal wil vassit nie, mens kry 'n spuit waks, onthou daar is baie ander materiale om moulds van te giet as net si.
Jy giet die materiaal totdat die si die vlak so halfpad vertikaal van die model bereik, maw die model kan maklik verwyder word. Jy moet ook oplyn punte insit, of locating pins. 'n Maklike manier om dit te doen is om moertjies wat vir afwerking bebruik word, maw hy het 'n ronde doppie op die buitekant, se maar op die vier hoeke in die vorm materiaal in te druk met die afwerking kant in die materiaal in, so jy sien dus die moertjie se gat. (Ja ja toe nie soos julle nou weer dink nie ;-)
Wanneer die materiaal gestol het, moet die ander helfte gegiet word. Jy haal nou die moertjies uit en sproei weer jou waks oor die hele oppervlakte.
Giet die boonste stuk nou vol, weereens sodat daar genoegsame materiaal oor die model ook is.
As die boonste helfte gestol het, maak die PVC kassie uitmekaar en split die twee helftes van die mould en haal die modelletjie uit. Let op dat die fynste besonderhede sigbaar sal wees, die kleinste krappie sal maw gedupliseer word.
Nou moet daar een of twee tregtertjies in die materiaal gesny word waar die part se materiaal in gegiet kan word. Die plek waar die giet in gedoen moet word word so' gekies dat dit die minste afwerking agterna nodig het, bv se maar reg op die neus van die kunsaas waar jou draad deur moet kom. Onthou die model sal reeds die draad se holtes in he.
Mens kan maklik dieselfde draad vorm kry as jy 'n jig maak wat die rondings en afstande op die ente akkuraat sal dupliseer as jy die draad daarop draai. Jy kan ook die gaatjie agtera deur die kunsaas boor met 'n draaibank of in 'n jig wat jy doelvervaardig vir die taak.
As twee tregtertjies moontlik is is dit makliker om lug borrels uit te laat vloei sodat die materiaal maklik van een kant kan vloei en die vorm vul terwyl die lug uitgedruk word.
Om die volume materiaal te bepaal is nou baie maklik, jy vul die vorm met water en gooi dit uit in 'n akkurate maatbekertjie of die beste is om die volume met 'n chemiese balans skaal te weeg.
Die giet materiaal se volume van die vuller en verharder kan nou baie akkuraat gemeet word en net genoeg aangemaak word om te giet sonder vermorsig.
Jy sit jou vooraf gevormde draadjie in plek na die mould gewaks sproei is, maak toe, klamp imdien nodig (met rekke of iets en 'n rugsteun plaat op elke ent) en jy giet die materiaal wat gemeng is.
Ok dis nou net die basiese proses. Jy moet self dit wat jy gaan gebruik se vereiste navolg soos deur die vervaardiger gespesifiseer. Temperatuur, vog in die lug, meng tyd, bak tyd ens alles moet jy in 'n proses saamstel om die gewenste resultate te kry.
AS jy nou so gelukkig is om 'n kunsasie te maak wat uitsonderlik presteer en jy wil groot gaan omdat jy nie kan voorbly nie, dan is mould injection die enigste massa produksie preses wat de vinnigste en goedkoopste per part uitwerk. Jy kan letterlik duisende per dag produseer teen 'n paar sente elk. Dit klink dalk aanloklik, maar die aanvangskostes is nou weer baie hoog en dit moet verhaal word so daar gaan die prys nou weer.
So daar hy, fluit fluit my storie is uit.
AMT in JHB verkoop al die kruideniersware om die goed bymekaar te kry. Bel hulle gerus 011 392 4232 en vra raad van Wynand (ek dink hy's die rep en LOL is dus heel dag op kantoor ;-) of Brian of Warren en hoor wat die beste vir wat gaan werk.
Terloops, die parte wat ons gebruik wat met hierdie proses gemaak word maak ek nie self nie. Pine maak dit vir my, ek het wragtag nie die tyd om dit ook nog te doen nie.
Die swart raam on die elektroniese aanwysers en die sleutelbord is bezels wat met bg manier gemaak is met 'n si mould.
