Andries,
Jy is nie die eerste ene wat kla oor "spesie hengelaars in die Kaap wat nie wil help nie". Daar is egter iets wat jy in gedagte moet hou: op hierdie stadium is daar waarskynlik minder as 10 ouens wat aktief spesiehengel toepas in Kaapstad en omgewing. Van hierdie hengelaars, is daar waarskynlik 5 of minder wat gereeld (meer as een keer per maand) hengel. Hier is 'n klomp ouens wat weet wat hulle doen, maar wat weens persoonlike omstandighede vir maande lank al nie hengel nie. 'n Paar van die ouens wat aktief is, is ook besig om sensitiewe waters hengel en kan nie die kans kan vat om iemand saam te neem nie. Daarmee bedoel ek dat hulle as individue al reeds erg sukkel met huiseienaarsverenigings, voelkykers ens, en nie nog ander hengelaar kan byvoeg op die bank nie.
Wat Cape Carpers en die sg "Kromrivier sindikaat" aanbetref, gaan jy baie uiteenlopende opinies kry deur maar net die forums deur te lees. WAT OOK AL die waarheid is, moet jy asb net nie 'n veralgemeende opinie vorm oor alle spesehengelaars gebaseer net op een of twee ervarings nie: Dave of enige ander hengelaar verteenwoordig verseker nie die hele groep nie.
Ek (SACS Weskaap se verteenwoordiger) en Skuimkop (voorsitter van 'n sosiale hengelklub) probeer ons bes om 'n seminaar gereel te kry. Dit gaan beide 'n konvensionele- en spesiehengel seminaar wees, en ons hoop om vir Loutjie Louwies en Gilbert Foxcroft af te bring daarvoor. Ek wil egter wag vir die SCAS seminaar later die maand om af te loop, sodat daar geleentheid is om persoonlik met Loutjie hulle te praat oor beskikbaarheid en pryse. Gaan kyk op Capetownfishing se forum vir meer detail.
Tot en met dan, is daar tonne informasie op hierdie forum en ander. As jy bietjie tyd spandeer en daardeur sif, sal jy sien dat spesiehengel eintlik eenvoudig is en van 'n paar basiese tegnieke gebruik maak. So sou jy by Martin ook geleer het: hy gebruik immers een strop en dieselfde grondvoer vir 80% van sy hengel.
Dit moet 'n frusterende spulletjie vir ouens soos jy en Vleipadda wees was wat so graag praktiese ervaring wil kry maar dit net nie reg kry om iemand langs die water te ontmoet nie. Jy kan egter nie sommer se dat ouens in die Kaap nie wil help nie: hier is nie eintlik ouens wat kan help nie. As jy weer gaan vir 'n sessie, pm my hier op sealine. Ek sal kyk dan of ek 'n draai kan maak, dan gesels ons bietjie oor die hengel. Dalk kan ek jou 'n paar basiese goeters wys.