Hi Shaun C ek maak gewoonlik voerplek met maroek maar ek weet nie of jy nou al maroek by die viswinkels sal kry nie, die meeste viswinkels verskaf eers 'n bietjie later maroek aan die mense aangesien baie mense glo dat jy eers kurpers laat somer en herfs vang omdat hulle nou begin broei het,kurpers vreet nogal baie daardie tyd aangesien hulle liggaamsvet opbou vir die winter maar dit beteken nie dat jy hulle nie nou al sal of kan vang nie, ek self het al baie goeie vangste gehad in die vroeër maande en minder sukses in die "beter" maande maar dit het te doen met verskeie faktore. Dit is wel so dat kurpers in die lente begin broei en die wat besig is met nes bou gaan dalk nie so gretig wees om die aas te vat nie,maar baie mense besef nie dat kurpers deurlopend broei tot en met April nie en so elke twee tot drie weke in 'n seisoen broei hulle. Die kurpers wat nie broei nie is maar altyd opsoek na kossies om te eet. Ek het al sommer met gewone mieliebom en sorghum wat ek gemeng het voerplek gemaak as ek nie maroek kry nie. Let wel moenie alles ingooi nie want jy lok dalk net te veel ander klein vissies gooi maar geleidelik in as jy dink jy het die regte area gekry. Ek vang met 'n glydobber en gewone boerestrop d.w.s. heel eerste aan die lyn is my "stopper" of "gummie" dan my glydobber en dan my strop. Met jou "stopper" en glydobber kan jy dan die diepte bepaal. Verskuilde baaitjies met sanderige bodems of enige struktuur in die water so 2 tot 4 meter is waar jy hulle moontlik kan kry. Dis moeilik om vir jou te sê of jy moet stil sit en wag en of jy hulle moet gaan soek. Ek is maar 'n ou wat wag aangesien ek baie geduld het en ek ook nie met kunsaas vang nie. Maar as jy dalk na so uur en half of twee ure niks kry nie sal ek 'n ander area gaan en hulle soek 'n mens kom gou agter as daar beweging is maar moenie te gou ongeduldig raak nie.
Laat weet maar wat jy vermag het en stuur foto's asb
Stywe lyne
:sha:sha:sha:sha:sha:sha:sha:sha:sha:sha: